AZ
RU
Səlim Müslümovla Füzuli Ələkbərovun federasiya savaşı
Əmək və əhalinin sosial müdafiəsi naziri Səlim Müslümov sələfinin bütün mirasını ələ keçirməkdə iddialıdır
Bir çox nazirlər kimi federasiya rəhbəri olmaq niyyətində olan nazir bu məqsədlə xələfinə qarşı kampaniya aparır.
"Xeberinfo.com": Füzuli Ələkbərov Əmək və Əhalinin Sosial Müdafiəsi naziri vəzifəsindən azad edilsə də, Azərbaycan Cüdo Federasiyasının prezidenti postunu hələ də qoruyub saxlamaqdadır. Bu vəziyyət isə Füzuli Ələkbərovun portfelinə və kürsüsünə sahib çıxan Səlim Müslümovu qıcıqlandırır. Belə ki, nazirin öz sələfini Cüdo Federasiyasının prezidenti postundan uzaqlaşdırmaq üçün bütün imkanlarını səfərbər etməsi haqqında məlumatlar dolaşmaqdadır.
Piasport.az-ın əldə etdiyi məlumata görə, bir çox nazirlər kimi federasiya rəhbəri olmaq niyyətində olan nazir bu məqsədlə xələfinə qarşı kampaniya aparır.
Mənbənin sözlərinə görə, Füzuli Ələkbərovun və Cüdo Federasiyasının bəzi mətbuat orqanları tərəfindən tez-tez hədəfə alınmasının səbəbi heç də idmançılarımızın uğursuz çıxışı deyil. Bu kampaniyalar məhz Səlim Müslümovun istəyi ilə aparılır və qaralama kampaniyasında əsas məqsəd Füzuli Ələkbərovu hakimiyyətin üs qanadında uğursuz adam kimi göstərmək məqsədi daşıyır. Bir müddət əvvəl Cüdo Federasiyasındakı maaş qalmaqalı ilə bağlı çıxan xəbərlər də bu kampianiyaların tərkib hissəsi olduğu bildirilir. (Piasport.az)
