6 yaşlı Lusiya və 2 yaşlı Leo Krimləri amansızlıqla qətlə yetirmiş dayə Yoselin Orteqanın məhkəmə prosesi başlanıb

Yenixeber.org: Məşum qətl 2012-ci ilin oktyabrında, ABŞ-ın Nyu-York şəhərinin Manhetten bölgəsində, Yuxarı İst-sayd səmtində tördəilmişdi.

Dayəlik etdiyi uşaqları öldürəndən sonra Yoselin Orteqa boğazını kəsmişdi.

Evə qayıdan Merilin Krim övladlarının cəsədlərini görəndə polis çağırmışdı.

Hadisə yerinə gəlmiş polislər Orteqanı dəhlizlə vanna otağının arasında, döşəmədə, qan içində tapmışdılar. Onun yanında qanlı bıçaq vardı.

Əslən Dominikan Respublikasından olan 55 yaşlı Yoselin Orteqa ona qarşı irəli sürülən ittihamları qəbul etməyib. O, özünü dəliliyə vurub.

Yoselin Orteqanın oğlu, 22 yaşlı Hesus Frias Manhetten Cinayət Məhkəməsində bildirib ki, anası iki uşağı "təsadüfən öldürüb".

Uşaqların atası, Kevin Krim isə belə yalançılıqdan dəhşətə gəldiyini söyləyib.

Yoselin Orteqanın vəkilinin dediyinə görə, Lüçiya, Leo və Nessi Krimlərə dayəlik etmiş müvəkkili cinayət günü ağır depressiyada olub.