Dövlət Statistika Komitəsindən verilən məlumata görə, 2017-ci ildə ölkədə 62923 nikah və 14514 boşanma halı qeydə alınıb. Boşanan cütlüklərin sayının artdığını nəzərə alaraq Bakı sakinlərindən boşanmış insanların "ikinci bahar"larını yaşamaqlarına olan münasibəti öyrəndik

Yenixeber.org: "ACT Azərbaycan"ın keçirdiyi sorğunun nəticələri ilə sizi tanış edir. 

Boşanmış qadınların ikinci dəfə ailə həyatı qurmasına böyük qism müsbət baxır (43 %). Məsələyə neytral yanaşanlar da kifayət qədərdir (34 %). Respondentlərin təqribən beşdə biri (22 %) qadınların ikinci evliliyinə mənfi yanaşır. 

Rəyi öyrənilmiş qadınların yarısı (49 %) zərif cinsin "ikinci bahar"ını dəstəkləyir, 27 %-i neytral yanaşır, beşdə biri isə pis baxır (21 %).

Kişilər qadınların ikinci evliliyinə, əsasən, neytral yanaşır (41 %). Zərif cinsin ikinci dəfə seçim etməsinə yaxşı baxanlar da yetəri qədərdir (36 %). Güclü cins nümayəndələrinin beşdə biri (22 %) isə qadınların növbəti evliliyinə pis baxır.

Sorğu 23-28 sentyabr tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.