“Bu il Azərbaycan Dillər Universitetini (ADU) bitirən 1329 məzun ali məktəbi bitirdiklərini təsdiq edən arayışlarını ala bilmirlər”.

Yenixeber.org:   Bunu Sherg.az-a açıqlamasında Vəhdət Partiyasının sədr müavini, politoloq Vasif Əfəndiyev deyib. Ekspert vurğulayıb ki, iki gündən sonra tələbələrin müsabiqədə iştirak müddəti bitir. Yəni müəllim peşəsinə yiyələnmək istəyən tələbələr vakansiya müsabiqəsindən kənarda qala bilərlər:

“Bakalavr pilləsini başa vuran məzunlar hələ də ali təhsili bitirdikləri barədə arayış ala bilməyiblər. Müsabiqədə iştirak üçün qeydiyyatdan keçmə müddəti sona çatmaq üzrədir. Universitet rəhbərliyi tələbələri aldadaraq, arayışların növbəti günün sabahı verəcəklərini deyib və yüzlərlə tələbəni get-gələ salıb. Bu isə uzaq rayonlarda yaşayan tələbələri ikiqat çətin durumda qoyub. Hörmətli Kamal Abdullanın rektor təyinatından sonra güman edilirdi ki, bu sayaq süründürməçiliklərə son qoyulacaq. Tələbələr işlə bağlı müraciətlərində kənarda qala bilərlər. Bu məsuliyyətsiz hərəkətin bir izahı olmalıdır”.