AZ
RU
.jpg)
Banklar bu il 733 işçini ixtisar edib -RƏSMİ
Bu il mayın 1-nə Azərbaycanda fəaliyyət göstərən 32 kommersiya bankının filiallarının sayı 560 olub ki, bu da ilin əvvəli ilə müqayisədə 9 ədəd azdır.
Yenixeber.org: Aprel ayında yalnız bir filial bağlanıb.
Bu barədə Maliyyə Bazarlarına Nəzarət Palatası xəbər verir.
Əvəzində, yanvar-aprel aylarında bankların şöbələrinin sayı 9 ədəd artaraq 140-a çatıb. Təkcə apreldə şöbələrin sayı 3 ədəd artıb. Hesabat dövründə bank ATM-lərinin sayı 32 ədəd artaraq 2 493-ə çatıb və bu artımın 22 ədədi aprelin payına düşüb.
Bank sektorunun işçi heyəti isə 733 nəfər və 4,3% azalaraq 16 214-ə düşüb. Hesabata əsasən, təkcə aprel ayında işçilərin sayı 98 nəfər və ya 0,6% azalıb.
