AZ
RU
Qonşu ölkə hərbçiləri koronavirusa yoluxdu - RƏSMİ
Rusiya Federasiyası Silahlı Qüvvələrində koronavirus testi müsbət nəticə vermiş 14 hərbçi və 1 nəfər mülki əməkdaş var.
Yenixeber.org: RİA-Novosti xəbər verir ki, bu barədə rəsmi məlumatı Rusiya Müdafiə Nazirliyi açıqlayıb.
Məlumatda bildirilir ki, mülki əməkdaş Tümen Ali mühəndis komandanlığı məktəbində çalışır. Virusa yoluxanlar karantinə alınıb, səhhətləri stabildir. Onların hamısı qeyd olunan məktəbin hərbi qulluqçularıdır. Yoluxma onlardan birinin məktəbdən kənardakı təmasları zamanı baş verib.
Qeyd edək ki, hərbi məktəbdə koronavirus ocağının aşkarlanması barədə Tümen vilayəti qubernatorunun müavini Olqa Kuzneçevskaya da məlumat vermişdi. Son sutka ərzində vilayətdə koronavirusa yoluxma üzrə 27 yeni hal qeydə alınıb. Ümumi yoluxanların sayı isə 112 nəfər təşkil edir.
