Redaktor seçimi
Qadının evini başına uçuran “Melissa Group” tikinti şirkəti kimindir? -
Deputatlığa namizəd olmuş “Emil Daymond” kimi tanınan Emil Məmmədov əslində kimdir? -
QARALOV VƏ USUBOVUN “YARIGİZLİ” HƏYATI... -
Abdin Fərzəliyev Abşeronu belə NURLANdırır– 
"MedEra" Hospitalın həkimi Musa Kılıçın diplomu saxtadır?! -
İcra başçısı Adil Vəliyevin “vunderkind” oğlu: 
Vilayət Vəliyev Dövlət Universitetinə miras kimi baxır(?)! -
Eldar Əzizov Ramin Abdullayevin “qara kassasını” yenidən “diriltdi” -
Günün xəbəri

Klinikada koronavirusa yoluxmuş xəstə yoxdur - Açıqlama

Klinikada koronavirusa yoluxmuş xəstə yoxdur - Açıqlama
Azərbaycan Tibb Universitetinin Tədris Cərrahiyyə Klinikasında koronavirusa yoluxmuş xəstə yoxdur.
Yenixeber.org: Universitetin mətbuat xidmətindən verilən məlumata görə, bunu Terapevtik Klinikanın direktoru Samir Allahverdiyev sosial şəbəkələrdə yayılan xəbərlərə münasibət bildirərkən deyib.

Onun sözlərinə görə, koronavirusla əlaqədar sosial şəbəkələrdə Azərbaycan Tibb Universitetinin Tədris Terapevtik Klinikasının adı əsasız şəkildə hallandırılaraq güya klinikada COVID-19 virusuna yoluxmuş xəstənin müalicə aldığı barədə məlumat yayılıb:

"Məsələyə aydınlıq gətirərək qeyd edim ki, bir neçə gün əvvəl Tədris Cərrahiyyə Klinikasına müraciət edən pasientlərdən biri xarici ölkədə olduğu üçün şübhəli bilinərək Elmi-Tədqiqat Ağciyər Xəstəlikləri İnstitutuna göndərilib. Ona görə də həmin xəstə ilə təmasda olan bütün tibbi personal hər ehtimala qarşı müayinədən keçirilib. Şöbənin yerləşdiyi mərtəbə bağlanılıb, təkrar dezinfeksiya işləri aparılıb. Klinikada nəinki koronavirus şübhəsi doğuran, heç hərarəti olan xəstə də yoxdur. Yüksək hərarətli xəstə bizə müraciət etdiyi təqdirdə onu qəbul etmir, 1 saylı Şəhər Klinik Xəstəxanasına yönləndiririk. Bizdə nə infeksiya şöbə fəaliyyət göstərir, nə də həkim-infeksionist var. Ona görə də həmin xəstələrin müayinə və müalicəsi üçün şərait olmadığından koronavirus şübhəsi doğuran xəstələri klinikamıza qəbul etmək imkanımız yoxdur”.

Samir Allahverdiyev qeyd edib ki, sosial şəbəkə istifadəçilərini heç bir əsas olmadan yaydığı yalan informasiyalar əhalidə təşviş və həyəcan yaratmağa xidmət edir. Direktor insanları həqiqətdən uzaq olan belə məlumatlara inanmamağa çağırıb və klinikanın fəaliyyətini qrafikə uyğun şəkildə davam etdirdiyini bildirib.

Facebook-da paylaş

Yeni xəbərlər

Reklam

Reklam