AZ
RU
Putin Polad Bülbüloğuya orden verdi
Rusiya prezidenti Vladimir Putin Azərbaycanın bu ölkədəki səfiri Polad Bülbüloğlunu təltif edib.
"Xeberinfo.com": Məlumata görə, bunu Bakıya gələn bir qrup tanınmış mədəniyyət və incəsənət xadiminin prezident İlham Əliyevlə görüşündə Rusiya Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy deyib: “Dünən gecə bizim Rusiya Prezidenti Vladimir Putin Polad Bülbüloğlunun “Şöhrət” ordeni ilə təltif olunması barədə Fərman imzalayıb. Əlbəttə, burada keçmiş postsovet məkanını təmsil edən bir çox nümayəndələr ola bilərdi. Bir çox millətlərin Poladı sevən nümayəndələri gəlmək istəyirdi - belaruslar da, ukraynalılar da, Baltikyanı ölkələrin nümayəndələri də. Düşünürəm ki, Polada belə münasibət onun insanlara olan doğmalığından irəli gəlir. Onda insanlara doğmalıq və səmimiyyət duyğuları var”.
