AZ
RU
Azərbaycanda Büdcə Məlumat İdarəetmə Sistemi - yaradılır
Maliyyə Nazirliyi dövlət və icmal büdcələrinin tərtib edilməsində tətbiq olunacaq avtomatlaşdırılmış Büdcə Məlumat İdarəetmə Sistemi üzrə proqram təminatının və fiskal çərçivə ilə bağlı sənədlərin hazırlanması üçün Asiya İnkişaf Bankının maliyyə dəstəyi (qrant şəklində) ilə “PwC” audit şirkətini əməkdaşlığa cəlb edib.
Yenixeber.org: Bu barədə nazirliyin açıqlamasında bildirilir.
Məlumatda həmçinin deyilir ki, PwC proqram təminatı ilə bağlı mütəxəssis şirkətlərin təcrübəsini və bir sıra ölkələrdə oxşar sistemin təqbiqi ilə bağlı məlumatları öyrənərək büdcə prosesinin avtomatlaşdırılması üzrə texniki tapşırıq və funksional tələblər sənədi hazırlayıb, “Dövlət satınalmaları haqqında” qanuna əsasən satınalma prosedurlarına başlanılıb, satınalmalar portalında (www.tender.gov.az saytında) tender elanı yerləşdirilib.
