AZ
RU
Əfqanıstan -prezidenti və baş naziri səs verib
Bu gün Əfqanıstanda keçirilən prezident seçkilərində hazırkı dövlət başçısı Məhəmməd Əşrəf Qəni və baş nazir Abdullah Abdullah da səs veriblər.
Yenixeber.org: Ölkə prezidenti səsvermə hüququndan Kabildəki prezident iqamətgahının yaxınlığındakı məktəbdə yerləşən məntəqədə istifadə edib.
Əfqanıstanın dövlət başçısı jurnalistlərə açıqlamasında səsvermə məntəqələrinə gələn bütün vətəndaşlara, habelə onların təhlükəsizliyi üçün çalışan güc qurumları əməkdaşlarına təşəkkür edib. O həmçinin seçkilərin keçirilməsində beynəlxalq tərəfdaşların dəstəyini də yüksək qiymətləndirib.
Baş nazir isə rəsmi şəxsləri səsvermə prosesinə müdaxilə etməməyə çağırıb.
Qeyd edək ki, “Taliban” hərəkatının seçkilərə yol verməyəcəyi barədə bəyanatını nəzərə alaraq səsvermə məntəqələrində ciddi təhlükəsizlik tədbirləri görülüb. Bir qədər əvvəl ölkənin cənubundakı Qəndəhar şəhərində səsvermə məntəqəsinin qarşısında baş verən partlayış zamanı 15 nəfər xəsarət alıb.
