AZ
RU
Dərmanların qiymətinə nəzarət Səhiyyə Nazirliyinə keçdi
2014-cü ildə qanunsuz tibb fəaliyyəti ilə məşğul olmaqla bağlı 88 fakt aşkarlanıb.
"Xeberinfo.com": Bu barədə virtualaz.org saytına Səhiyyə Nazirliyindən məlumat veriblər.
Xəbərdə deyilir ki, 75 sahibkara qarşı cərimə tətbiq edilib, 5 müəssisənin lisenziyanın fəaliyyətinin dayandırılması və 4 klinikanın lisenziyanın ləğv edilməsinə qərar verilib.
Qeyd edək ki, hazırda ölkədə 600 özəl tibb müəssisəsi və stomotoloji kabinet var.
Nazirlikdən qeyd ediblər ki, bu ildən dərmanların qiymətinə də nazirlik tərəfindən nəzarət ediləcək: “Belə ki, “Dərman vasitələri haqqında” qanuna edilən dəyişikliklərdə dərmanların qiymətinin Səhiyyə Nazirliyi tərəfindən tənzimlənməsi məsələsi də var”.
Nazirlik apteklərdə reydlər keçirməklə saxta, yararlılıq müddəti tamamlanmış və ya dövlət qeydiyyatına alınmamış dərmanların satılıb-satılmadığını yoxlayır.
