AZ
RU
Poroşenko daha biznesmen dostlarına vəzifə verməyəcək-Özü dedi
Ukraynanın hazırkı dövlət başçısı, 21 apreldə keçiriləcək prezident seçkilərinin ikinci turunda iki namizəddən biri olan Pyotr Poroşenko xalqa söz verib ki, məsuliyyət tələb edən yüksək dövlət postlarına daha öz dostlarını və biznes tərəfdaşlarını təyin etməyəcək.
Yenixeber.org: P.Poroşenko bunu “ICTV” telekanalında yayımlanan “Söz azadlığı” proqramının efirində deyib.
“Prezident olduğu müddətcə, eləcə də, ikinci dəfə prezidentliyi dövründə Pyotr Poroşenko daha heç bir biznes tərəfdaşlarına, heç bir yaxın adamlarına vəzifə verməyəcək” – Poroşenko vurğulayıb.
Azvision.az bildirir ki, o, həmçinin öz səhvlərini və xüsusən də, kadr siyasətindəki yanlışlıqları etiraf edib: “Bu və ya digər soyadların təyinatında açıq-aşkar səhvlərimiz olub. Amma mən sizə konkret soyadları sadalamayacağam”.
