AZ
RU
Hindistan Su-30-lara İsrail bombaları yerləşdirir
Hindistan çoxməqsədli Su-30MKİ qırıcılarını İsrailin yüksək dəqiqliyə malik Spays-2000 bombaları ilə təchiz edəcək.
Yenixeber.org: Bu barədə ANİ agentliyi informasiya yayıb.
“Hazırda düşmən mövqelərinə sözügedən bombaları atmaq imkanlarına sahib yeganə təyyarəmiz Miraj-2000-lərdir. İndi isə biz Hərbi Hava Qüvvələrimizin atəş gücünü yüksəltmək üçün bu bombaları Su-30MKİ qırıcılarına quraşdırırıq”, - agentlik Hindistan ordusunun yüksək rütbəli rəsmisinə istinadən yazıb.
Onun sözlərinə görə, Hindistana Su-30MKİ parkının tamamilə İsrail bombaları ilə təchiz edilməsi üçün cəmi bir neçə əlavə sınaqların keçirilməsi lazımdır.
Qeyd edək ki, hazırda Hindistan ordusunun arsenalında İsraildən alınmış 200 ədəd Spays-2000 bombaları mövcuddur. Bu bombalardan bir qədər əvvəl Kəşmirin Pakistan hissəsindəki terror düşərgələrinə endirilən aviazərbələr zamanı istifadə edilib.
