Kiyevin mərkəzində prezident Petro Poroşenkonun impiçmentinin tələbi ilə kütləvi yürüş keçirilir.

Yenixeber.org: TASS xəbər verir ki, etirazçılar əllərində “Prezidentin impiçmenti!”, “Ukraynanın qalibiyyəti-Poroşenkonun impiçmenti!” şüarlarının yazıldığı plakatlarla Prezident Administrasiyası istiqamətində hərəkət edirlər.

Polis tərəfindən hər hansı qanun pozuntusu qeydə alınmayıb.

 Xatırladaq ki, Ukrayna prezidentliyinə namizəd, “Batkivşina” Partiyasının lideri Yuliya Timoşenko iki gün əvvəl “orduda oğurluqlarla” əlaqədar prezident Petro Poroşenkonun impiçmenti prosedurunu başlamağa çağırmışdı.

Siyasətçi bu barədə Ali Radadakı çıxışında demişdi: “Elan edirik ki, bizi dəstəkləyən başqa fraksiyalarla birlikdə, prezidentin impiçmenti proseduruna başlayırıq”.

Timoşenko Ukraynanın müdafiə kompleksində oğurluqlarla bağlı jurnalistlərin dərc etdiyi araşdırmaya istinad edir. Partiya liderinin iddiasına görə, oğurluqların arxasında Poroşenko və ona yaxın şəxslər dayanır. O, prezidenti artırılmış qiymətlər üzrə Rusiyadan Ukrayna hərbi texnikası üçün ehtiyat hissələrinin alınmasında ittiham edir.(virtualaz)