Yenixeber.org: Ermənistan dövləti qeyri-qanuni yolla əmlaka sahib olanların mülklərini məhkəmənin qərarı olmadan müsadirə edəcək və əldə olunan vəsaiti ordu üçün xərcləyəcək.

Bu barədə baş nazir Nikol Paşinyan parlamentdə hökumətin proqramına dair sualları cavablandırarkən məlumat verib:

“Bu, qəribə görünə bilər, amma bizdə əsaslar var: Avropa İnsan Hüquqları Məhkəməsi mövqeyində bu, korrupsiyaya qarşı mübarizə üçün normal bir tətbiq kimi qəbul edilir və insan hüquqlarının məhdudlaşdırılması hesab edilmir. Şəxsin əmlakının mənşəyini izah etməsinin vacibliyi kimi bir mexanizm var. Əgər bir şəxs mülkiyyətinin qanuni olaraq əldə edildiyini sübut edə bilmirsə, bu, qanunsuz sayılır. Bu vəsait büdcə gəlirlərində əksini tapmayacaq, hərbi quruculuqda istifadə ediləcək”.

Nikol Paşinyan ölkədə korrupsiyanın yayılması məsələsi ilə bağlı narazılığını dilə gətirib və hüquq-mühafizə orqanlarını bu istiqamətdə ayıq-sayıq olmağa çağırıb.

Qeyd edək ki, Ermənistan ordusu uzun müddətdir ki, səfalət və şəraitsizlikdən əziyyət çəkir. Orduda aclıq və xəstəlik hökm sürür. Oğlu Qarabağda xidmət edən Nikol Paşinyan da bu vəziyyəti açıq şəkildə etiraf edir.