Fransa prezidenti Emmanuel Makron ölkədə aylardır davam edən kütləvi etiraz aksiyalarına son qoymaq məqəsdilə referendum keçirmək niyyətindədir.

Yenixeber.org: Fransanın “Journal du Dimanche” qəzetinin yazdığına əsasən, E.Makron ümumxalq səsverməsinin mayın 26-da, yəni Avropa Parlamentində keçirilən seçkilərlə eyni gündə baş tutmasını istəyir. Artıq bununla bağlı seçki bülletenlərini çap edən nəşriyyatlara müraciət edilib. Qəzetin xəbərində refrendumda vətəndaşların önünə hansı sualların qoyulacağına aydınlıq gətirilməyib.

Qeyd olunur ki, “sarı jiletlilər” hərəkatının fevralın 2-də təşkil etdiyi son aksiyalara 60 minə yaxın şəxs qoşulub.

Fransanın rəsmi statistika qurumlarının verdiyi xəbərə görə isə, “sarı jiletlilər”in ökəyə vurduğu ümumi ziyan 4,4 milyard avronu ötüb. 43 min insan daimi iş yerlərin itirib, 10 etirazçı həlak olub, 1500 nümayişçi isə yaralanıb.

Fransa prezidenti Emmunel Makron hazırda ölkəni böhran vəziyyətdən qurtarmaqdan ötrü müxtəlif bölgələrin və şəhərlərin rəhblərləri ilə görüş və konsultasiyalar keçirir.(müsavat)