Fətullahçı Terror Təşkilatının (FETÖ) Azərbaycandakı əlaqələndiricisi, hazırda bağlanmış “Zaman” qəzetinin Bakı mətbəəsinin sahibi İbrahim E. saxlanılıb.

Yenixeber.org: Türkiyənin “Hüriyyet” qəzeti xəbər verir ki, o, Türkiyə Milli Kəşfiyyat Təşkilatı (MİT) və Azərbaycan təhlükəsizlik əməkdaşlarının köməyilə Azərbaycanda saxlanılaraq Türkiyəyə aparılıb.

Mənbə yazır ki, haqqında daha əvvəl saxlanılma qərarı çıxarılan İbrahim E.-nin yerini təsbit edildikdən sonra bu barədə Azərbaycan tərəfi məlumatlandırıb. O, hər iki ölkənin xüsusi xidmət orqanları tərəfindən keçirilən əməliyyatda saxlanılıb və ötən həftə iki azərbaycanlı polisin müşayiəti ilə İstanbula yola salınıb.

Xatırladaq ki, ötən ilin iyun ayında Türkiyə hökuməti tərəfindən bağlanan müxalifətçi “Zaman” qəzetinin 4 sabiq əməkdaşı FETÖ ilə əlaqələrə görə İstanbul məhkəməsi tərəfindən müxtəlif müddətli həbs cəzalarına məhkum olunublar

Jurnalistlər Əli Bulac və Şahin Alpay 8 il 9 ay, onların həmkarları Müntəzir Nührənə və Mustafa Ünal 10,5 il dəmir barmaqlıqlar arxasında keçirəcəklər.

Xatırladaq ki, 2016-cı ilin iyulunda dövlət çevrilişinə cəhddən sonra “Zaman” qəzeti bağlanmış, 20-dən çox əməkdaşı isə həbs edilmişdi.