AZ
RU
Akardan sərt mesaj:Ağıllı olun, əks təqdirdə...
Egey dənizi, Aralıq dənizi və Kiprdə təşkil edilən provokasiyaların təsirinin olmayacağını hər kəs bilməlidir.
Yenixeber.org: Bunu jurnalistlərə açıqlamasında Türkiyə Müdafiə naziri Hulusi Akar deyib.
“Hər kəs təhriklər, provokasiyalardan uzaq durmalıdır. Əks təqdirdə bunun qarşılığı çox ağır olacaq. Hər kəs ağıllı olub, hansısa macəraya səbəb yaratmamalıdır. Bunları təşkil edənlərə ən səmimi və ciddi tövsiyələrimiz bunlardır”, – deyə o bildirib.
Qeyd edək ki, son günlər Cənubi Kipr və Yunanıstanla Türkiyənin münasibətləri həddən artıq pisləşib. Buna səbəb yunanların Türkiyəyə aid olan adalara iddialar səsləndirməsi, üstəlik, Kipr yaxınlığında geoloji kəşfiyyat işləri aparmasıdır.
