AZ
RU
Hidayət Orucovun məhkəmə xəbəri
Bu gün Azərbaycanın Qırğızıstandakı səfiri Hidayət Orucovun həmin ölkədəki diaspor liderlərindən olan Nüsrət Məmmədovu məhkəməyə verməsi ilə bağlı məlumat yayılıb.
"Xeberinfo.com": Məsələ ilə bağlı Azərbaycanın Qırğızıstandakı səfirinin Mətbuat Xidmətinin rəhbəri Ramel Lətifovla əlaqə saxlayıb. O bildirib ki, yayılan məlumat şayiədir: “Biz bu gün həmin məlumatla bağlı iki dəfə Azadlıq qəzeti ilə əlaqə saxlamışıq. Hidayət Orucovun işi-gücü qurtarıb ki, kimisə məhkəməyə versin? Səfir heç kimi məhkəməyə verməyib. Bu gün tədbirlərimiz olub. Sabah bu işlə məşğul olacağıq. Qeyd edim ki, səfirlə bağlı cinayət işi açmağa heç kimin haqqı yoxdur və heç kim bunu edə bilməz. İkincisi isə, biz prokurorluqla da əlaqə saxlamışıq. Belə bir iddianı heç kim qaldırmayıb. Biz bunun hansı məqsədlə edildiyini araşdırırıq”.
Qeyd edək ki, yayılan məlumatda həmçinin Nüsrət Məmmədovun da səfiri məhkəməyə verəcəyi qeyd olunub.
(5).jpeg)
