AZ
RU
Oktyabrın 29-da açılışı olan İstanbul 3-cü hava limanından Bakıya ilk aviareys həyata keçirilib.
Yenixeber.org: Heydər Əliyev adına Beynəlxalq Hava Limanında enəcək “Boeing-737” tipli təyyarə İstanbuldan yerli vaxtla 9:30-da qalxıb.
Bakıya ilk səfər 121 sərnişinlə həyata keçirilib.
Qeyd edək ki, İstanbul 3-cü hava limanı dünyanın ən böyük hava limanı hesab olunur. 76,5 milyon kvadratmetrlik ərazini əhatə edən yeni aeroportun birinci hissəsinin tikintisinə 6 milyard avro sərmayə yatırılıb. Bu hissə il ərzində 90 milyon sərnişinə xidmət göstərəcək.
İstanbul aeroportunun tikintisinin 2028-ci ilədək tamamlanması nəzərdə tutulur. Aeroport tam istifadəyə verildikdən sonra hər gün 2 min təyyarə qəbul edəcək və yola salacaq. 350 istiqamətə uçuşları həyata keçirəcək hava limanı dünyanın 250 aviaşirkətinə xidmət göstərəcək.
.jpg)
