Yığıncaqda son zamanlar bir qrup əhali tərəfindən istefası tələb olunan bütün ermənilərin katolikosu II Qaregin, həmçinin 20 ölkədəki erməni diasporunun 400-dək gənc üzü iştirak ediblər.

Onlara müraciətində Paşinyan bildirib ki, qoy erməni gəncləri ABŞ, Rusiya, Avropa, Livan, Avstraliya və digər ölkələrdə müvəqqəti qalmağı planlaşdırsınlar. Ermənistana isə müvəqqəti qayıtmaq yox, ölkədə daimi yaşamaq barədə düşünməlidirlər. “Bizim siyasi hakimiyyətin və siyasi fəaliyyətimizin ən vacib məqsədlərindən biri böyük həcmdə repatriasiyanı (vətənə geri dönməyi) stumullaşdırmaqdır”, – deyə Paşinyan vurğulayıb.

Qeyd edək ki, Ermənistan Milli Statistika Xidmətinin 2018-ci il aprelin 1-nə olan statistikasına əsasən, Ermənistanda daimi yaşayan əhalinin sayı 2 milyon 969 min nəfər olub. Ölkə əhalisinin sayı 2017-c ilin müvafiq dövrü ilə müqayisədə 11,6 min nəfər, 2018-ci ilin ilk 3 ayında isə 2800 nəfər azalıb. Buna səbəb isə iqtisadi-sosial vəziyyətlə əlaqədar olaraq Ermənistanı tərk edənlərin getdikcə çoxalması və ölkədə təbii artımın azalmasıdır. Statistikaya görə, hətta Ermənistanın bir sıra kəndləri tam boşalıb və orada adam yaşamır. Bəzi kəndlərdə isə cəmi bir neçə yüz nəfər yaşayır. Ölkədə emiqrasiyanın səviyyəsi o həddə çatıb ki, orduda xidmət etmək üçün gənclər tapılmır.