AZ
RU
Nazirlik “Audi” avtomobillərini satan şirkəti niyə “vurdu”?
Bu avtomobillərin reklamlarında istehlakçıların çaşdırılmasına səbəb olan qeyri-dəqiqlik əlamətləri aşkarlanıb
"Xeberinfo.com": İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən reklam bazarında aparılmış araşdırmalar zamanı “Audi” markalı avtomobillərin reklamlarında istehlakçıların çaşdırılmasına səbəb olan qeyri-dəqiqlik əlamətləri aşkar edilib.
Bu barədə “APA-Economics”ə İqtisadiyyat və Sənaye Nazirliyindən məlumat verilib.
Həmin reklamlarda “Audi” markasının digər avtomobil markalarından üstünlüyü fikrini yaradan “Audi hər zaman öndə”, “Audi Q7 liderlik üçün yaradılıb”, “Audi Q3 seqmentinin yeni etalonu” məzmunlu ifadələrdən istifadə edildiyi müəyyən olunub.
Bununla əlaqədar “Audi” avtomobillərinin satışını həyata keçirən “Europen Cars” MMC barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.
Araşdırmalar davam etdirilir.
