Ermənistanda yaranan siyasi böhranda Rusiya müşahidəçi statusu daşıyır.

Yenixeber.org: Bu iddia ilə “Stratfor” şirkəti çıxış edib.

“Moskva Ermənistanda baş verənləri diqqətlə izləyir, ölkədə baş verənlərin necə inkişaf edəcəyini anlamağa çalışır. Ermənistandakı etirazçılar artıq ölkədə baş naziri istefaya göndərə biliblər. Böyük ehtimalla Moskva əmin olmaq istəyir ki, Rusiyada gələcəkdə baş verəcək etirazlar bu ssenari üzrə inkişaf etməyəcək.

Aleksey Navalnı artıq mayın 5-də Rusiyada kütləvi aksiyalara başlayacaq. Navalnının hərəkatının Ermənistandakı məxməri inqilabla ümumi əlaqələri var və bu da Kremli narahat edir. Moskva həm də əmin olmaq istəyir ki, Nikol Paşinyan hökumətinin xarici siyasətində qəfil dönüşlər olmayacaq. Hər bir halda Kreml Ermənistandakı məxməri inqilaba qarşıdır. Bununla da o, eyni ssenarinin Rusiyada təkrarlanmasını legitimləşdirmək istəmir. Rusiya xüsusilə Ermənistandakı stabillikdə maraqlıdır. Onu İrəvanda hakimiyyətdə kimin olacağı maraqlandırmır”, – deyə məqalədə bildirilib.