Yenixeber.org: AMEA nəzdində Respublika Seysmoloji Xidmət Mərkəzi (RSMX) Bakıda baş verən vulkan püskürməsi ilə bağlı məlumat yayıb.
RSXM-nin İnformasiya şöbəsindən Qaynarinfo-ya bildirilib ki, 29 mart 2018-ci il tarixində yerli vaxtla saat 19:25:59-da Altbulaq ərazisində Ayrantökən vulkanı püskürüb: "Püskürmənin davametmə müddəti 2 dəqiqə 24 saniyədir".
*** 11.39
Qobustan rayonunda "Ayrantökən" palçıq vulkanı püskürüb.
Bunu Trend-ə Azərbaycan Milli Elmlər Akademiyası Geologiya və Geofizika İnstitutunun (GGİ) Palçıq vulkanizmi şöbəsinin müdiri, geologiya-mineralogiya elmləri doktoru, professor Adil Əliyev deyib.
Onun sözlərinə görə, püskürmə gecə saatlarında baş verib.
A.Əliyev əlavə edib ki, Qobustanda müşahidə edilən aktivləşmənin nəticəsi kimi bu vulkanın püskürməsi gözlənilirdi.
O, püskürmənin güclü olduğunu da söyləyib: "İnstitutun əməkdaşları tədqiqatların aparılması üçün hadisə yerinə ezam olunublar".