AZ
RU
Ermənistan ordusunda gənc zabitlərinin savadsızlığı ölkədə mövzuya çevrilib
Bu günlərdə işğalçı Ermənistan ordusunun zabiti, diviziyanın raket və artilleriya silahları xidməti rəisi Antonyanın özünün “Facebook” səhifəsdində yazdığı fikirlər yenidən bu ölkənin Müdafiə Nazirliyinin, eləcə də nazir Vigen Sarkisyanın müxalifətin və ictimaiyyətin qəzəbinə tuş gəlməsinə səbəb olub.
Yenixeber.org: Gənc zabitlərin hədsiz savadsızlığından gileylənən Antonyan qeyd edib: “Orduda zabitlərin savadsızlığı bir bəladır. Gündən-günə gənc zabitlərin savadı aşağı düşür. Çoxları peşman olduğu üçün bilərəkdən oxumurlar, öyrənmirlər ki, xidmətdən canlarını tez qurtarsınlar. Bu il xidmətə başlayan gənc zabitlərə hərbi xidməti “əlifba”dan başlayaraq öyrətmək məcburiyyətindəyik”.
Antonyanın “Facebook” səhifəsində paylaşdığı bu fikirlərdən sonra Ermənistanda mövcud hərbi təhsil sistemi kəskin tənqid atəşinə tutulub. Hələlik Ermənistan Müdafiə Nazirliyinin rəsmiləri Antonyanın bu tənqidi fikirlərinə rəsmi münasibət bildirməyiblər.(aərtac)
