AZ
RU
Əfqan Muxtarlının cinayət işi üzrə ibtidai istintaq başa çatıb
Həbsdə olan jurnalist Əfqan Muxtarlı və Azərbaycan Xalq Cəbhəsi Partiyasının sədr müavini Gözəl Bayramlının barəsində başlanmış cinayət işi üzrə ibtidai istintaqı yekunlaşıb
Yenixeber.org: Bu barədə vəkil Elçin Sadıqov bildirib.
Onun sözlərinə görə, Ə. Muxtarlı ilə bağlı cinayət işinin materialları “Meydan TV”-nin əməkdaşları ilə bağlı başlanmış cinayət işindən ayrılıb.
Vəkil qeyd edib ki, tərəflər cinayət işinin materialları ilə tanış olacaq.
Qeyd edək ki, Ə. Muxtarlı Cinayət Məcəlləsinin 318-ci (dövlət sərhədini qanunsuz olaraq keçmə), 206-cı (qaçaqmalçılıq) və 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), G. Bayramlı isə Cinayət Məcəlləsinin 206.1-ci (qaçaqmalçılıq) maddələri ilə təqsirləndirilir.
