AZ
RU
Baş məşqçinin oğlu jurnalistə hücum etdi
"Neftçi"-"Koper" oyunundan sonra təşkil olunmuş mətbuat konfransında qalmaqal yaşanıb.
"Xeberinfo.com": Məlumata görə, bakılıların baş məşqçisi Böyükağa Hacıyevin oğlu jurnalistə hücum çəkib.
Belə ki, "Komanda" qəzetinin baş redaktoru Rəşad Ergünün Böyükağa Hacıyevə ardıcıl suallar verməsi "Neftçi" tərəfini qəzəbləndirib. Jurnalistin "Skenderbeu" gəlir "Neftçi"ni çiləyir, "Koper" gəlir "Neftçi"ni çiləyir" deməsi qalmaqalın yaranmasına səbəb olub.
Bundan sonra əsəbləşən Böyükağa Hacıyev ayağa qalxıb. Bunun ardınca Hacıyevin oğlu Yusif Rəşad Ergünə yaxınlaşaraq, ona fiziki təsir göstərərək, jurnalistə əl qaldırıb.
Yusif zaldan çıxarılandan az sonra Hacıyevin böyük oğlu Rüstəm də otağa girməyə çalışıb. Amma Böyükağa Hacıyev ondan zalı tərk etməyi tələb edib.
Maraqlıdır ki, görəsən, Böyükağa Hacıyevin oğlu mətbuat konfransına hansı əsasla daxil olub?
.jpg)
