Təqaüdçü general Maykl Flinin istefasının ardından Milli Təhlükəsizlik müşaviri axtaran ABŞ prezidenti Donald Tramp təklif göndərdiyi keçmiş admiraldan mənfi cavab alıb.

Xeberinfo.com:   Təqaüdçü admiral Robert Harvard Trampın iş təklifini qəbul etməyib.

Adını verməyən bir Ağ Ev rəsmisi Harvardın ailə və bəzi maliyyə öhdəlikləri səbəbinə görə bu mühüm vəzifəni qəbul etmədiyini söyləyib.

Ancaq ABŞ mediası səbəbin fərqli olduğunu yazıb. Xəbərlərə görə, Harvardın bu mövqeyə öz qrupuyla gəlmək istədiyi, ancaq Trampın bunu qəbul etmədiyi iddia olunur. “Associated Press” xəbər agentliyinə danışan Harvard Trump rəhbərliyinin “öz tələblərinə həm professional, həm fərdi mənada çox uyğun olduğunu” söyləyib. Təklifi qəbul etmədiyinin səbəbini “bu tamamilə şəxsi bir durum”-deyib.

60 yaşlı keçmiş dəniz admiralına “öz qrupunu gətirmək istədiyi” iddiaları haqqında da sual verilib. Harvard suala “düşünürəm, bu sualı prezidentə vermək lazımdır” cavabını verib.

Harvard hazırda Amerikanın Müdafiə sənayesi şirkəti “Lockheed Martin”in Abu Dabidəki bölməsində direktor olaraq çalışır.