AZ
RU
Türkiyə 163 milyard dollar xarici borc ödəyəcək -1 il ərzində
Türkiyədə dövlət və özəl sektorun 1 dekabr 2016-cı il-1 dekabr 2017-ci il tarixləri arasında ödəyəcəyi xarici borcunun ümumi həcmi 163,3 mlrd. ABŞ dolları təşkil edəcək.
Xeberinfo.com: Bu barədə Türkiyə Mərkəzi Bankının (TCMB) hesabatında məlumat verilib.
Hesabatda bildirilib ki, bu məbləğin 19 mlrd. dolları və ya 11,6%-i Türkiyədə yerləşən bankların və özəl sektorun xaricdə yerləşən şöbələrinə və törəmə şirkətlərinə borclarından ibarətdir.
Məcmu borcun tərkibinə baxdıqda, dövlət sektorunun xüsusi çəkisinin 15,5%, TCMB-nin 0,5%, özəl sektorun isə 84% təşkil edildiyi görərik. Qısamüddətli xarici borcun 51%-i dollar, 30,6%-i avro, 15,6%-i türk lirəsi və 2,8%-nin digər valyutalardan ibarət olduğu qeyd olunub.
Qeyd edək ki, 6 yanvar tarixinə Türkiyənin qızıl-valyuta ehtiyatları 111 mlrd. dollar təşkil edib.
.jpg)
