AZ
RU
13 ildə 1044 hərbçi itirmişik –679-u qeyri-döyüş şəraitində
2003-2016-cı illərdə Azərbaycan Silahlı Qüvvələri ən azı, 1044 hərbi qulluqçusunu itirib.
Xeberinfo.com: Bu haqda “Xəzər” Hərbi Tədqiqatlar İnstitutu məlumat yayıb.
“Onun 365 nəfəri nəfəri erməni gülləsindən, o cümlədən mina və sursat partlayışından dünyalarını dəyişiblər. 679 nəfəri isə qeyri-döyüş itkiləridir”, – məlumatda deyilir.
Təşkilatın araşdırmasının nəticələrinə görə, ümumilikdə, 2003-2016-cı illərdə illərdə bu və digər səbəblərdən yaralanan, xəsarət alan hərbi qulluqçuların sayı 800 nəfərdən artıqdır.
“Xəzər” Hərbi Tədqiqatlar İnstitutunun rəhbəri Cəsur Sümərinli bildirir ki, itkilərlə bağlı rəqəmlər sosial şəbəkələr, KİV və elektron informasiya vasitələrində aparılan davamlı monitorinq nəticəsində ortaya çıxıb: “Təxmini rəqəmlərə görə, 1994-cü ilin mayından – Azərbaycanla Ermənistan arasında atəşkəs müqaviləsinin imzalanmasından bəri Azərbaycanın müdafiə və təhlükəsizlik sektorunda itkilərin ümumi sayı 4000 nəfərdən artıqdır”.(Azadliq.info)
