AZ
RU
.jpg)
Məhbuslar susuz qalıb -14 saylı cəzaçəkmə müəssisəsində
14 saylı cəzaçəkmə müəssisəsində su problemi yaşanır.
Xeberinfo.com: Bu haqda AXCP Gənclər Komitəsinin üzvü Elvin Abdullayevin anası facebook səhifəsində yazıb: “Bu gün Elvin zəng eləmişdi. Elvin bildirdi ki, artıq 10 gündür 14 saylı cəzaçəkmə müəssisəsinə su verilmir, dustaqlar əllərini yumağa belə su tapa bilmir”.
14 saylı cəzaçəkmə müəssisəsində cəza çəkən gəncin anası müvafiq qurumlara da səslənib:
“Bu müəssisədə həmişə su qıtlığı olub, indi isə problem daha ciddi hal alıb. Burdan əlaqədar təşkilatlara səslənirəm. Çox qısa zamanda bu problem həll olunmalıdır. İnsanlar əziyyət çəkir, əl yumağa belə su tapa bilmir. Günlərlə paltarlarını yuya bilmirlər, çimə bilmirlər, ayaqyoluna tökməyə su yoxdur”.
