AZ
RU
.jpg)
“Bu, alçaqların əməlidir”-Türkiyə prezidenti
“Bizə əmanət olan səfiri kürəyindən vurdular. Bu, alçaqların əməlidir”.
Xeberinfo.com: Bunu bu gün Avrasiya tunelinin açılışında çıxış edən Türkiyə prezidenti Rəcəb Tayyib Ərdoğan deyib: “Qətli törədənin əlaqələri araşdırılır və yavaş-yavaş üzə çıxır. Türkiyənin 2023-cü il hədəflərindən uzaqlaşdırmaq, dünyanın ən güclü 10 ölkəsindən biri olmasının qarşısını almağa çalışırlar”.
Ərdoğan qeyd edib ki, dağlarda məğlub olan terrorçular şəhərlərə, küçələrə eniblər:“Türkiyəni bir əsr sonra ya olum, ya ölüm nöqtəsinə gətirənlər yaxın vaxtlarda səhv etdiklərini anlayacaqlar”.
Türkiyə prezidenti bildirib ki, hər zaman məzlumların yanında olacaqlar: “Suriyada terrora qarşı mübarizə aparırıq, Hələbdən məzlumları biz çıxarır, İdlibə yerləşdiririk. Lazım olsa, onları Türkiyəyə gətirəcəyik. Hazırda 2,7 milyon qaçqın var, lap 3 milyon olsun. Əcdadlarımız hər zaman məzlumların yanında oldu, biz də məzlumların yanında olacağıq”.
