AZ
RU
“Petkim”-in baş direktor müavini istefa verdi
Petkim şirkətinin Baş direktor müavini Natiq Dəmirov istefa verib.
Xeberinfo.com: Şirkətin açıqlamasında “Şirkətimiz Baş Direktor Müavini Cənab Natiq Dəmirov istefa verərək vəzifəsindən ayrılıb” ifadələrinə yer verib.
Petkim tərəfindən verilən açıqlamada, şirkətin keçmiş Baş Direktorunun həbs olunması ilə bağlı mətbuatda yer alan xəbərlərin şirkətin fəaliyyəti bağlı hər hansı bir axsamaya səbəb olmadığı bildirilib.
“Şirkətimizin keçmiş Baş direktorunun həbs olunması və şirkətimizdən 27 nəfərin işdən çıxarılması ilə əlaqədar olaraq müxtəlif media orqanlarında məlumatlar yer alır. Bu proseslərin şirkətimizin fəaliyyətinə hər hansı bir təsiri yoxdur. Fəaliyyətimiz normal şəkildə davam edir”.
Qeyd edək ki, dünən Petkim-in baş direktoru Sadəddin Qorqud vəzifədən azad edilmiş və yerinə Anar Məmmədov təyin olunmuşdu.
.jpeg)
