AZ
RU
.jpg)
Şirvandakı partlayış Yavər Camalovu bitirə bilər
Komissiyaya zavodda kompleks yoxlama aparmaq tapşırılıb
Xeberinfo.com: Şirvan şəhərində Müdafiə Sənayesi Nazirliyinə məxsus “Araz” zavodunda baş verən partlayış nazir Yavər Camalovu bitirə bilər. Redaksiyamıza daxil olan müdafiə sənayesi naziri də bundan ciddi narahatdır.
Bildirilir ki, partlayışla bağlı yaradılan komissiyaya zavodda kompleks yoxlama aparılması tapşırılıb. Yavər Camalovun taleyi bu yoxlamanın nəticəsindən asılı olacaq. Əgər komissiya partlayışın terror və ya qəsdən törədilməsi deyil, səhlənkarlıq üzündən, yaxud hansısa texniki nasazlıqdan baş verdiyi barədə rəy verərsə, Yavər Camalov karyerası ilə vidalaşa bilər.
Xatırladaq ki, iyulun 26-da Şirvanda yerləşən “Araz” zavodunun silah anbarında partlayış baş verib. Hadisə nəticəsində 2 nəfər həlak olub, 24 nəfər isə xəsarət alıb. Faktla bağlı cinayət işi başlayıb. Ölkə başçısı Ilham Əliyev olayın araşdırılması üçün xüsusi komissiyanın yaradılması barədə sərəncam imzalayıb.(Azadliq.info)
