AZ
RU
Etibar Pirverdiyev hansı şirkətə görə 1 milyon ziyana düşüb?
Xeberinfo.com: “Azərenerji” ASC-dəki audit yoxlamaları ilə bağlı "Azadlıq"a yeni məlumatlar daxil olub. Dünənki sayımızda məlumat vermişdik ki, “Azərenerji” ASC-ni böhrandan çıxarmaq üçün Azərbaycan hökuməti Dünya Bankına minnətçi düşüb. Lakin Dünya Bankı hökumətin təqdim etdiyi rəyi qəbul etməyib. Bundan sonra “Azərenerji”də maliyyə vəziyyətini yoxlamaq, qurumun fəaliyyətinə diaqnoz qoymaq üçün xaricdən 2 audit şirkəti gətirilib. Onlara 970 min 596 manat xidmət haqqı ödənilib.
Dünən əldə etdiyimiz məlumatda isə deyilir ki, bir şirkət dəvət olunub. Bu, “VPC GmbH” şirkətidir. Həmin şirkət Maliyyə Nazirliyinin dəvəti əsasında “Azərenerji”də yoxlama aparır. Lakin xidmət haqqını “Azərenerji”nin rəhbərliyi ödəyib. Şirkət qurumun regionlar üzrə idarələrini də yoxlayıb. Artıq yoxlamalar başa çatıb və “Azərenerji” ilə bağlı rəy hazırlanır. Lakin bu rəyin Dünya Bankı tərəfindən qəbul edilib edilməyəcəyi bəlli deyil.
.jpg)
