NİDA Vətəndaş Hərəkatı daxilində qarşıdurma yaranıb 

Xeberinfo.com:   SİA-nın təşkilatın üzvlərindən birinə istinadən verdiyi məlumata görə, hərəkatın Mərkəzi Təftiş Komissiyasının üzvü Anar Abdulla içkili vəziyyətdə digər hərəkat üzvü - Alı Çoydarın şəxsi münasibətdə olduğu Tünzalə Zöhrabzadəyə nalayiq təklif edib.

Məsələ barədə xəbər tutan A.Çoydar A.Abdullanın cəzalandırılmasını tələb edib.

A.Abdulla səhvini etiraf edib və T.Zöhrabovadan üzr istəsə də, bu hərəkat üzvlərinin hiddətini soyutmayıb. NİDA üzvləri Ülvi Həsənli və Məsud Əsgərin təklifi ilə məsələ təşkilatın İdarə Heyətinin müzakirəsinə çıxarılıb və A. Abdullaya təzyiq göstərilərək könüllü ərizə yazması və hərəkatdan uzaqlaşması tələb olunub. A.Abdulla isə məsələnin İdarə Heyəti səviyyəsinə çıxarılmasına və verilən qərara etirazını bildirib. Nəticədə mövzu ilə əlaqəsi olan Anar Abdulla özü, Tünzalə Zöhrabova, Alı Çoydar, Rəsul Rəsulov, Pərvanə Qurbanlı, Məhəmməd Bağırov, İlqar Vəliyev və əsas aktiv üzvlərdən olan Ülviyyə Əli hərəkatdan istefa veriblər.

Mövzunun iyunun 26-da saat 13:30-da Müsavat partiyasının qərargahında NİDA Vətəndaş Hərəkatının qapalı toplantısında yenidən müzakirəyə çıxarılması planlaşdırılıb.