AZ
RU
.jpg)
Bakı Şəhər İcra Hakimiyyətinin 9 məmuru cəzalandırıldı
Bakı şəhər İcra Hakimiyyəti Yaşıllaşdırma Təsərrüfatı Birliyinin dövlət büdcəsinin "Mənzil və kommunal təsərrüfatı" bölməsində aparılmış audit yoxlamaları nəticəsində vəzifələrinin icrası zamanı nöqsanlara yol verən 9 vəzifəli şəxsi cəzalandırıb
"xeberinfo.com": Bu barədə məlumat Hesablama Palatasının 2013-cü ildəki fəaliyyəti haqqında hesabatında açıqlanıb. Sənəddə qeyd olunub ki, auidit yoxlaması zamanı bir sıra nöqsanlara yol verildiyi müəyyən edilib. Belə ki, Birlik tərəfindən yaşıllıqlara xidmət xərclərinin proqnozlaşdırılması zamanı hesablamaların faktiki qulluq göstərilən yaşıllıq ərazisinə görə aparılmaması səbəbindən həmin xərclərin proqnoz məbləğləri artırılıb, qüvvədə olan normalara əməl olunmaması nəticəsində yaşıllıqlara xidmət xərclərinin tərkibində təsərrüfat fəaliyyətinə aid olmayan xərclər də proqnozlaşdırılıb.
Kollegiya qərarının icrası ilə bağlı Palataya təqdim edilən məlumatda aidiyyəti təsərrüfat rəhbərləri və vəzifəli şəxslərlə müzakirələr aparıldığı, onlara müvafiq tapşırıqların verildiyi, Birliyin müəssisə və təşkilatlarında yol verilən nöqsan və çatışmazlıqlara təkrar yol verilməməsi üçün müvafiq tədbirlərin görüldüyü bildirilib.
Vəzifələrinin icrası zamanı nöqsanlara yol verən 9 vəzifəli şəxs barəsində inzibati tənbeh tədbirlərinin görüldüyü, o cümlədən 1 şöbə rəisinin işdən azad edildiyi, 1 şöbə rəisinin aşağı vəzifəyə keçirildiyi, 3 baş iqtisadçıya və 1 mühəndisə töhmət verildiyi, 1 idarə rəisi, 1 baş müsahib və 1 baş iqtisadçıya xəbərdarləq edildiyi qeyd olunub.
Bundan başqa, 12000 manat məbləğində vəsait dövlət büdcəsinə bərpa edilib, 277876 manat debitor borcu uçota alınıb, 309476,04 manat məbləğində kreditor borcu ləğv edilib.
.jpg)
