İsmayıllı Rayon Polis Şöbəsinin rəisi vəzifəsindən azad edilən Nizami Qocayevin Ədliyyə Nazirliyində vəzifəyə təsdiq edilməsi barədə xəbər təsdiqlənib.

Xeberinfo.com:   Virtualaz.org-un əldə etdiyi məlumata görə, N.Qocayev Məhkəmə Qərarlarının İcrası Baş İdarəsinin Gəncə şəhəri üzrə idarəsinin rəisi təyin edilib.

Bununla bağlı ədliyyə naziri Fikrət Məmmədov müvafiq əmr imzalayıb.

*   *   *18:08

Virtualaz.orqun əldə etdiyi məlumata görə, Nizami Qocayev Ədliyyə Nazirliyi sistemində yeni vəzifə alıb.

O bu nazirliyin rayonlardakı Məhkəmə qərarlarının icrası idarələrindən birinə rəis təyin olunub.

*   *   * 17:42

İsmayıllı Rayon Polis Şöbəsinin rəisi işdən azad edilib.

APA-nın məlumatına görə, şöbənin rəisi Nizami Qocayev xidmətdə olmanın son yaş həddi ilə bağlı tutduğu vəzifədən kənarlaşdırılıb.

Rayon Polis Şöbəsindən sayta N. Qocayevin işdən çıxarılması xəbərini təsdiqləyiblər.

Bildirilib ki, şöbənin rəisi vəzifəsini hazırda rəis müavini Şöhrət Kərimov icra edir.

Saytın əldə etdiyi digər məlumata görə, N. Qocayev daha yüksək vəzifəyə təyinat alıb.