AZ
RU
Avropa Məhkəməsindən Azərbaycanla bağlı açıqlama
2015-ci ildə Avropa İnsan Haqları Məhkəməsi (AİHM) Azərbaycanla bağlı 30 qərar qəbul edib.
Xeberinfo.com: Məlumata görə, bu barədə AİHM-ın “2015-ci il ərzində fəaliyyətin icmalı” illik hesabatında bildirilir.
İcmalda yer alan məlumata əsasən, ötən il ərzində AİHM-ə Azərbaycan üzrə 268 ərizə təqdim olunub. Onların 123-ü qəbul olunmayıb, 30-u üzrə isə qərar çıxarılıb.
2014-cü illə müqayisədə Azərbaycan üzrə AİHM-ə müraciətlərin sayı azalıb. Müqayisə üçün bildirək ki, 2014-cü ildə AİHM-ə Azərbaycan üzrə 403 ərizə təqdim olunmuşdu, onların 245-i qəbul olunmamış, 11-i üzrə isə qərar çıxarılmışdı.
2015-ci ildə 106 iş Azərbaycan hökuməti ilə kommunikasiya mərhələsində olub.
Qeyd edək ki, Azərbaycan Avropa İnsan Haqları Konvensiyasına 2001-ci ilin yanvarında qoşulub. İlk iş 2006-cı ildə qəbul olunub. 31 dekabr 2015-ci il tarixinə olan məlumata görə, bütün dövrlər ərzində Azərbaycandan AİHM-ə 1522 ərizə daxil olub.
(5).jpeg)
