Redaktor seçimi
Balakənin “mer”i dövlətin pulun “hərşeyşünas” şirkətə etibar edir -
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
Günün xəbəri

Ali Məhkəmənin nümayəndə heyəti Qazaxıstanda səfərdədir

 

Azərbaycan Ali Məhkəməsinin nümayəndə heyəti Qazaxıstandakı məhkəmə islahatları ilə tanış olmaq məqsədilə bu ölkədə səfərdədir.

Yenixeber.org-un məlumatına görə, Ali Məhkəmənin Mülki Kollegiyasının sədri Sənan Hacıyevin rəhbərlik etdiyi nümayəndə heyəti iş səfəri çərçivəsində bu ölkənin ali məhkəmə orqanını ziyarət edib.

"Bu, son üç ildə Azərbaycan hakimlərinin Astanaya üçüncü səfəridir. Səfərin məqsədi Qazaxıstan məhkəmələrində aparılan islahatların ətraflı öyrənilməsidir", - Qazaxıstan Ali Məhkəməsinin mətbuat xidmətindən bildirilib.

Məlumata görə, Qazaxıstan Ali Məhkəməsinin sədri Aslambek Merqaliyev qonaqlara əsas təşəbbüslər, o cümlədən inzibati ədliyyənin inkişafı, apellyasiyanın rolunun gücləndirilməsi, ailə məhkəmələrinin yaradılması, kassasiya baxışının təkmilləşdirilməsi və s. barədə məlumat verib.

Məhkəmələrin maliyyələşdirilməsinin yeni modelinin tətbiqi, hakimlərin peşəkar qiymətləndirilməsi metodologiyasının təkmilləşdirilməsi və məhkəmə icraatının rəqəmsallaşdırılması vasitəsilə hakimlərin müstəqilliyinin gücləndirilməsi məsələlərinə xüsusi diqqət yetirilib.

Azərbaycan nümayəndə heyəti, həmçinin respublika məhkəmələrinin fəaliyyətinin təhlili və monitorinqi ilə məşğul olan Qazaxıstan Ali Məhkəməsinin Situasiya Mərkəzinin imkanları ilə tanış olub. Qonaqlar Qazaxıstan məhkəmələrində tətbiq edilən süni intellekt elementləri və robotlaşdırma prosesləri olan İT xidmətlərinə xüsusi maraq göstəriblər.

Səfər çərçivəsində Azərbaycan nümayəndə heyəti paytaxtın məhkəmələrinə, Astana Beynəlxalq Maliyyə Mərkəzinin Arbitraj Mərkəzinə və Qazaxıstanın Ali Məhkəmə Şurasına səfər etməyi planlaşdırır.(Report)


Facebook-da paylaş

Yeni xəbərlər

Reklam

Reklam