AZ
RU
.jpg)
Eldar Mahmudovun atasının heykəli buradan götürüldü - FOTOLAR
Bir müddət əvvəl milli təhlükəsizlik naziri vəzifəsindən uzaqlaşdırılan Eldar Mahmudovun atasının Naxçıvanın Şəruru rayonunda olan heykəlinin sökülməsi ilə bağlı xəbər vermişdik.
Xeberinfo.com: Bu barədə oktyabrın 29-da Naxçıvanda yaşayan jurnalist, ictimai fəal Həkimeldostu Mehdiyev sosial şəbəkədə yazmışdı.
Sonradan bu xəbərin yalan olması haqda da fikirlər səsləndirildi.Musavat.com Naxçıvandakı mənbələrdən dəqiqləşdirə bilib ki, keçmiş nazirin atasının heykəli oktyabrın 31-də sökülüb. Heykəl nazirin işdən çıxarılmasından 2-3 gün sonra tendlə bağlanıb. Oktyabrın 31-də isə sökülüb.
Təqdim etdiyimiz fotolarda uçurulmuş ərazidə əvvəllər nazirin atasının heykəli olub.
Mətbuatda sabiq nazirin atasının adına olan məktəbin sökülməsi və ya adının dəyişdirilməsi ilə də bağlı xəbərlər yayılmışdı. Bu məlumatla bağlı onu qeyd edək ki, məktəb sabiq nazirin atasının adını daşımayıb.
Əvvəllər Şərur Türk Liseyi fəaliyyət göstərərkən lisey üçün yeni bina Eldar Mahmudov tərəfindən tikilmişdi. Həmin binada otaqlardan biri sırf nazir atasının fəaliyyəti ilə bağlı məlumatlar yerləşdirilmiş, fotolar asılmışdı. Heykəl də elə o zaman qoyulmuşdu.
Sonradan Azərbaycanda fəaliyyət göstərən liseylər 2014-cü ildə bağlanan zaman Şərur Türk Liseyi də bağlandı.
Məktəbin adı dəyişdirilərək Fizik-kimya təmayüllü lisey edildi və hazırda fəaliyyəti davam edir.
Qeyd edək ki, sabiq nazirin atası Əhməd Mahmudov 1923-cü ildə Naxçıvanın Gəngərli rayonunun Şahtaxtı kəndində anadan olub. AMEA-ının İqtisadiyyat İnstitutunun direktoru, akademiyanın həqiqi üzvü olub.
Qeyd edək ki, professor Əhməd Mahmudov 1989-cu il may ayının 8-də Bakı şəhərində vəfat edib. Fəxri Xiyabanda dəfn olunub.
.jpg)
