“Mən Vətənimi necə tanıyıram?” adlı bilik yarışmasının final oyunu və bağlanış mərasimi keçirilib.

Xeberinfo.com:  07 noyabr 2015-ci il tarixdə “Premier Expo” otelində Azərbaycan Respublikası Prezidenti yanında Gənclər Fondunun maliyyə dəstəyi ilə “Mən Vətənimi necə tanıyıram?” adlı bilik yarışmasının final oyunu və bağlanış mərasimi keçirilib.

Xatırladaq ki, layihənin məqsədi məktəblilərin intellektual və yaradıcı inkişafına təkan vermək, şagirdlərin intellektual fəaliyyətə daha geniş miqyasda cəlb olunması və asudə vaxtlarının səmərəli təşkili, eyni zamanda da intellektual oyunlar vasitəsilə Azərbaycanımızın mədəniyyəti, tarixi, coğrafiyası, adət-ənənələri barədə bilgilənmələrinə və gənclərin vətənpərvər ruhunda böyüməsinə dəstək olmaqdır.

Qeyd edək ki, bilik yarımasında ümumillikdə 100 nəfər şagird iştirak edərək birinci yer uğrunda mübarizə aparmışdır. Final oyunundan sonra I yeri 291 saylı ekologiya liseyin, II yeri 212 saylı məktəbin, III yeri isə 57 saylı məktəbin komandaları tutmuşlar.

Sonda layihə rəhbəri Pərviz Mustafayev qalib gəlmiş komandaları təbrik edərək hazırlanmış diplom, kubok və hədiyyələrini təqdim etmişdir.