AZ
RU
“Bakı-2015”in biletlərini “qara bazar”da satanlara - Xəbərdarlıq
"Biz qara bazarda biletlərin satılması ilə bağlı monitorinq keçiririk. Əlbəttə, bununla bağlı tədbirlər də görüləcək"
"Xeberinfo.com": Məlumata görə, bunu Bakı-2015 birinci Avropa Oyunları Əməliyyat Komitəsinin əməliyyatlar üzrə baş direktoru Saymon Kleq mətbuat konfransında deyib.
O, fikrilərini belə davam etdirib: “Bu yarışlar ilk dəfədir ki, keçirilir. Bunu nəzərə aldıqda bu cür bilet satmaq təcrübəsi də bir yenilikdir. Amma gələcəkdə, biletlərin ikinci əldən satılmasının qarşısını almaq üçün tədbirlər görüləcək. Biletlərin "ikinci əl"dən satılması yarışların uğurla keçməsindən xəbər verir, lakin bu o demək deyil ki, biz bu məsələni nəzarətdə saxlamırıq. Biz çalışırıq ki, bunun qarşısını mümkün qədər alaq”.
BEGOC rəsmisinin sözlərinə görə, indiyədək zaldan tamaşaçıların çıxarılması, jurnalistlərin akreditasiyasının ləğv edilməsi ilə bağlı heç bir məlumat daxil olmayıb: "Bəzi mətbuat nümayəndələri indi də Azərbaycana gəlməkdədir. Buna görə onlar üçün müəyyən tədbirlər görülür".
S.Kleq gimnastika oyunlarında Azərbaycan idmançılarına qarşı qərəzli mövqe nümayiş etdirən hakimin qərarı ilə bağlı səsləndirilən fikirlərə də münasibət bildirib: "İlk növbədə qeyd edim ki, BEGOC yalnız oyunların təşkilinə cavabdehdir. Lakin hakim seçimi beynəlxalq texniki məsələlərə cavabdeh olan qurumlardan asılıdır. Ona görə də hakimlərlə bağlı sualı müvafiq federasiyaya ünvanlayısınız".
O qeyd edib ki, növbəti Avropa Oyunlarına yeni idman növünün salınması təklifini Olimpiya komitələrinə ünvanlamaq lazımdır.
.jpg)
