Rusiyanın Baş naziri Mixail Mişustin erməni həmkarı Nikol Paşinyanla görüşüb.

Yenixeber.org: “İnterfaks” bildirir ki, Rusiyanın Baş naziri Mixail Mişustin Ermənistan hökumətinin başçısı Nikol Paşinyana Rusiya Prezidenti Vladimir Putinin salamını çatdırıb.

Mişustin vurğulayıb ki, Rusiya Ermənistanla qardaşlıq münasibətlərini yüksək qiymətləndirir. Onun sözlərinə görə, bu münasibətlər uzun illərə əsaslanan müttəfiqlik və strateji xarakter daşıyır.

Rusiya hökumətinin başçısı qeyd edib ki, Dağlıq Qarabağda hərbi əməliyyatlar başa çatdıqdan sonra Azərbaycan, Ermənistan və Rusiya liderlərinin qəbul etdikləri bəyanat birgə iş üçün böyük imkanlar yaradıb.

“Bu, ilk növbədə, bütün iqtisadi və nəqliyyat əlaqələrinin açılması, yeni infrastruktur marşrutlarının yaradılmasıdır. Bütün bunlar regionun davamlı inkişafına şərait yaradacaq”, - deyə o qeyd edib.

**15:05

Ermənistan baş nazirinin səlahiyyətlərinin müvəqqəti icraçısı Nikol Paşinyan yenidən Rusiyaya gedəcək.

 Yerli KİV-lər bildirir ki, məlumatı Paşinyanın mətbuat xidməti yayıb.

Məlumata görə, səfər 29-30 apreldə baş tutacaq. Paşinyan Kazana səfər edəcək və Avrasiya Hökumətlərarası Şurasının iclasına qatılacaq. Səfər zamanı onun “İnnopolis” innovasiya şəhərciyinə baş çəkəcəyi də bildirilir.