AZ
RU
Rusiya və Türkiyə danışıqları bu gün davam etdirəcək-Qarabağ üzrə Birgə Monitorinq Mərkəzi ilə bağlı
Rusiya və Türkiyə nümayəndələri noyabrın 14-də Ankarada Dağlıq Qarabağda Birgə Monitorinq Mərkəzinin yaradılması ilə bağlı danışıqları davam etdirəcək.
Yenixeber.org: Bu barədə "Anadolu" agentliyi Türkiyənin Milli Müdafiə Nazirliyinə istinadən xəbər verir.
"Rusiyanın nümayəndə heyəti ilə Dağlıq Qarabağda Birgə Monitorinq Mərkəzi ilə bağlı danışıqlar bu gün də davam etdiriləcək", - "Anadolu" agentliyi Türkiyənin Milli Müdafiə Nazirliyindən sitat gətirir.
Xatırladaq ki, Dağlıq Qarabağda atəşkəsə nəzarət etmək məqsədilə Rusiya-Türkiyə Birgə Monitorinq Mərkəzinin yaradılmasına dair memorandum çərşənbə günü, Rusiyanın müdafiə naziri Sergey Şoyqu ilə Türkiyənin milli müdafiə naziri Hulusi Akar arasında onlayn formatda keçirilən görüşdən sonra imzalanıb.
