Yenixeber.org: Sumqayıt şəhər 41 saylı 1-ci Seçki dairəsindən deputatlığa namizədliyimi irəli sürmüşəm. Mənə imza verən Sumqayıtlılara dərin təşəkkürümü bildirirəm. Mənim bu il keçiriləcək Parlament seçkilərində iştirakımın əsas səbəbi Azərbaycan Respublikasının Prezidenti cənab İlham Əliyevin və Azərbaycanın Birinci Vitse Prezidenti, Azəri-Türk dünyasının Dəmir-Ledisi Mehriban xanım Əliyevanın rəhbərliyi altında həyata keçirilən böyük islahatlardır. Eyni zamanda həm ölkə başçısı İlham Əliyevin, həm də Mehriban xanım Əliyevanın biz jurnalistlərə olan böyük etimad və hörmətinin nəticəsidir. Bu il parlament seçkilərinin tam şəffaf və demokratik keçəcəyinə inanıram. Sumqayıtlıların mənə olan sevgisi və hörməti böyükdür. İnanıram ki, bu seçkilərdə namizədliyimi verdiyim dairədən deputat mandatını qazanacağam. İndiyə kimi müstəqil dövlətimizin daxili və xarici siyasətini və bu siyasətdən irəli gələn məsələlərin həllində daim öz güc və bacarığımdan istifadə etmişəm və bundan sonra da seçilməyimdən asılı olmayaraq Azərbaycan əsgəri sərhədlərimizi silahla qoruduğu kimi məndə qələmimlə Azərbaycanımızın mənafeyini, onun daxili və xarici siyasətini qoruyan və qoruyacaq bir jurnalist əsgərəm. Sizin hamınıza təşəkkür edirəm.