AZ
RU
Gültəkin Hacıbəyli məhkəmədə hakimi hədələdi
Bu gün Bakı Apelyasiya Məhkəməsində hakim İlqar Murquzovun sədrliyi ilə keçmiş deputat Gültəkin Hacıbəylinin Yasamal Rayon Məhkəməsinin qərarından şikayətinə baxılıb
"Xeberinfo.com": Məlumata görə, Gültəkin Hacıbəyli keçmiş həyat yoldaşı Mahmud Mehdiyevin Cinayət Məcəlləsinin 147 və 148-ci maddələri ilə cinayət məsuliyyətinə cəlb edilməsini tələb edib.
Məhkəmə iclasında G.Hacıbəylinin işə yeni sübutların əlavə edilməsi haqqında verdiyi vəsatət rədd edilib. Bu isə G.Hacıbəylini qəzəbləndirib.
Keçmiş deputat hakimi hədələyərək “2-3 ildən sonra baxarıq” deyib.
Məhkəmə yanvarın 29-na təyin edilib.
Qeyd edək ki, G.Hacıbəyli Mahmud Mehdiyevi ötən il mayın 17-də keçirdiyi mətbuat konfransında ona qarşı təhqiramiz ifadələr işlətməkdə günahlandırıb və M.Mehdiyevin Cinayət Məcəlləsinin 147 və 148-ci maddələri ilə cinayət məsuliyyətinə cəlb olunmasını istəyib. Yasamal Rayon Məhkəməsi isə iddianı təmin etməyib.
Virtualaz.org
