Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Bakıda 62 avtobus kart sisteminə keçir

    

Bakıda 62 avtobus kart sisteminə keçir
15 ilə yaxındır Bakı şəhərində sərnişindaşıma fəaliyyəti göstərən “Xaliq Faiqoğlu” MMC 2015-ci ildən korporativ idarəetmə standartlarının tətbiqinə başlayıb. 
 Yenixeber.org: Bu barədə şirkətin məlumatında qeyd olunub.

Bildirilib ki, yerli və xarici maliyyə qurumlarından cəlb edilmiş vəsaitlər hesabına son üç ildə avtobus parkını beynəlxalq və ekoloji standartlara cavab verən avtobuslarla mütəmadi yeniləyən yeganə özəl daşıyıcı olan şirkət 1 sentyabr 2016-cı il tarixindən istismarında olan avtobuslarda elektron ödəniş sisteminin (Bakı Kart) tətiqinə başlayıb və hal-hazırda 14 marşrut xəttindən 9-da “Bakı Kart” sistemi mövcuddur. 

"Ümumilikdə isə şirkət 226 sərnişin avtobusu ilə əhaliyə xidmət göstərir və onlardan 164-də kartla ödəmə sistemi tətbiq edilir. Bu ilin sonunadək digər 62 avtobusun da yeniləri ilə əvəz edilməsi və “BakıKart” sisteminə qoşulması planlaşdırılır. Şirkətin istismarında olan bütün avtobuslar video-müşahidə sistemləri ilə təchiz olunub, gün ərzində mərkəzi müşahidə şöbəsi tərəfindən sürücülərin fəaliyyəti kameralar vasitəsilə izlənilir. Şirkətin sürücüləri hər zaman nümunəvi fəaliyyəti ilə fərqlənir və ölkəmizdə keçirilən beynəlxalq əhəmiyyətli tədbirlərdə hər zaman yüksək peşəkarlıqları ilə seçilib. Təhlükəsiz sərnişindaşıma xidmətinin təşkili şirkətin qarşısında duran ən önəmli vəzifələrdən biridir. Bu məqsədlə sürücü qismində işə qəbul olunan namizədlərə olan əsas tələblər ilk növbədə sağlamlıq göstəriciləri, narkoloji test və məhkumluğun olmamasıdır. Şirkətin təmir mərkəzində xüsusi tibb məntəqəsi mövcuddur ki, qanunvericiliyin tələbini əsas tutaraq reysqabağı bütün sürücülər alkotestdən keçirilir. Sərnişinlərin rahatlığı üçün şirkətin istismarında olan avtobuslarda Wi-Fi xidmətinin tətbiqinə başlanmış və yaxın vaxtlarda 164 ədəd avtobusda sərnişinlərə ödənişsiz internet xidməti təqdim olunacaqdır".



Məlumatda o da qeyd olunub ki, “Xaliq Faiqoğlu” MMC beynəlxalq mühasibatlıq sistemini tətbiq edən ilk özəl daşıyıcı şirkətdir və beynəlxalq audit şirkəti tərəfindən şirkətin fəaliyyəti hər il audit olunur. 

"“Xaliq Faiqoğlu” MMC beynəlxalq maliyyə institutu olan “Avropa Yenidənqurma və İnkişaf Bankı” ilə əməkdaşlığa başlayan yeganə özəl daşıyıcı şirkətdir və iyul ayının 12-də imzalanmış əməkdaşlıq müqaviləsi çərçivəsində Bakı şəhərinə 70 ədəd Avro 6 emissiyalı müasir avtobuslar gətiriləcəkdir.

Facebook-da paylaş

Yeni xəbərlər

Reklam

Reklam