Yenixeber.org: Artıq ikinci ildir ki, #SOCARAQŞ (Baş direktor Samir Mollayev, kommersiya üzrə direktor Kevin Marr, maliyyə üzrə direktor Fuad Behbud) işçilərin əmək haqlarını mütamadi olaraq gecikdirərərk Azərbaycan Respublikası Əmək Məcəlləsinin müvafiq maddələrini (maddə 172. 5 , 178.1) pozur və hansı "səbəblərdənsə" cəzasız (ARƏM maddə 310) qalır. İşçilər işsiz qalacaqlarından qorxaraq müvafiq qurumlara şikayət etməyə çəkinir. Müvafiq qurumlar isə nədənsə müşahidəyə daha çox üstünlük verir.
Şikayət:
Çoxlu sayda #SOCARAQŞ şirkətinin əməkdaşları adından sizə yazıram.Bir ildən çoxdur ki, vəziyyət belədir. Fevral ayının ortalarıdı, biz hələ də dekabr ayının maaşını ala bilməmişik, dekabrı alanda yanvar ayının da maaşını almaq üçün iki-üç ay gözləməli olacağıq , nə vaxta kimi belə olacaq, xəstəsi olan xəstəsini həkimə apara bilmir, bank faizləri üst-üstə yüklənib, ailəsinə bir tikə çörək alıb apara bilməyən , qış günü övladına qalın məktəb geyimləri ala bilməyən, ailəsi yanında başı aşağı olan əməkdaşlar var.
Xahiş edirəm bizim haqqımız olan pullarımızı almaq üçün şikayətimizi aidiyyəti qurumlara çatdırasınız.
SOCAR AQŞ” MMC 2007-ci ildə qazma və quyu xidmətləri göstərən birgə müəssisə kimi təsis edilib. Tərəflər və iştirak payları :SOCAR-13.38% , #NobelOilLtd., - 73.77% , Abşeron Qazma MMC -12.85%
Mirvari Gahramanli