“Azərbaycan hökuməti də aviabiletlərin baha olmasından məmnun deyil və bu biz bu istiqamətdə iş aparırıq”.

"Xeberinfo.com":  Haqqin.az-ın məlumatına görə, bu sözləri jurnalistlərlə görüşündə mədənyyət və turizm naziri Əbülfəz Qarayev deyib.

Nazir daha sonra əlavə edib ki, hava daşınmaları turizmin inkişafında əsas elementdir.“Əlbəttə ki, bu istiqamətdə problemlər var. Azərbaycan avasiasiyası son illərdə böyük uğurlara imza atıb, müasir aeroport tikilib, lakin buna baxmayaraq aviabiletlərin qiyməti ilə bağlı problem var”,-deyə Əbülfəz Qarayev bildirib.
Nazirin bu açıqlaması ilə “Azal”ın rəhbəri Cahangir Əsgərovu “vurması” səbəbsiz deyil. Əbülfəz Qarayevlə Cahangir Əsgərov arasında uzun müddətdir ki, “aviabilet savaşı” gedir.
Mədəniyyət və turizm naziri aviabiletlərin baha olmasını turizm sektoruna ciddi zərbə sayır.Əbülfəz Qarayev Azərbaycanda turizm sektorunun daha gəlirli sahəyə çevrilməsinə çalışır. Lakin Cahangir Əsgərovun “bilet biznesi” onun maraqlarına zərbə vurur. Nəticədə uzun illərdir ki, bu iki şəxs arasında gizli savaş gedir.